...

19. Item noch clageden de Bergischen over de Sudersesschen, dat se ere schot nycht geven gelick anderen luden, ock de kopensscop dar vorderven. Ock over de ryse yn Yslande, dat men de nicht holden solde, dem kumptor dedet vorvanck, dat noube wolde tho reken. Ock clageden se over de quaden beer tunnen unde over de van Bremen, dat se quade packynge makeden mit dem mele; den dat solden scriven unde se dar vor warnen, dat se sick dar ynne bet vorseghen. Ock klageden se over de ampt, de en nicht wolden horsam syn, dar en ock up gescreven wort. Ock klageden de van Dansike, dat se nicht mochten dar kopsclagen gelyck anderen kopluden. Ock clageden se over de genne, de entlopen mit den schulden, dar men up sclot, en de hense unde alle stede tho vorbeyden, dat men se nicht geleiden solde yn nyner hense stad. Ock quam dar tydinghe, wu de van Hannover mit den heren van Brunswick, Northem, Gottyngen unde¹ ander stede sunder de van Brunswick hadden gewunnen 1 sclot Hemelsschenborch genant, dar uppe gevangen 13, ock dar uppe gevunden kram, kypen, pilgrines paternoster unde hude ock lunten. Dat slot hadde se utgebrant unde nedder worpen unde wolden de 13 richten.

...