Instruction, wat de duchtige Hinrich Rantzow, amptman tho Rendeszborch van wegen kho. w. tho Dennemarcken an den radt tho Lubeg werfen sol.

...

4. Nochdeme itzundes de Yszlandeschen schepe fast segelferdig tho Hamborch liggen, dat denne de van Lubegk, alsze die verwanten naber, de wege gefunden hedden, den van Hamborch einige hulpe edder stur tho donde, edder wo men sich des voreynigen khonde, dat de gemelten van Hamborch ohre Yszlandeschen schepe up dat yligeste verferdiget hedden, dat desulven sich, wo vermodentlich de knechte uth den hafen wolden, in der Oster-Empsze edder Wester-Empsze gelecht hedden und verhinderunge gedaen, dat den knechten keyne schepe thogeforet wurden, und wes sze szo van schepen bekhomen khonden, an sich gehalet hedden, dadurch men szo ohreme vornehmende afgebraken hedde.