15360525HAM00

1536, May 25

[Hamburg]

Hamburg to Jón Arason, bishop of Hólar: the merchants who come to Eyjafjörður to fetch sulfur each year complained about hindrance by merchants from Holland, who bought all sulfur, and it is asked to prevent this in the future.

Created for and published on the HANSdoc website of the German Maritime Museum, Bremerhaven, by Bart Holterman in the context of the research project Between the North Sea and the Norwegian Sea: interdisciplinary Studies of the Hanse. Licensed CC BY.

Hamburg, Staatsarchiv der Freien und Hansestadt Hamburg

111-1 (Senat), Cl. VII Lit. Kc No. 11, vol. 2 (Islandica 1535-1560)

One bifolio

21x30,5cm

Paper

Large water stains over the entire page, wrinkled paper

Modern foliation in pencil, 17-18

Draft

Low German

Facsimile not (yet) available

Diplomatarium Islandicum 16:341
Jónsson, Skrá um skjöl, pp. 201-203.

An hern Joen Argisch Bisschoff tho Hoell vor Norden auer¹ Isslandt.²

Hochwerdige Jn godt herre Vnsere gudtwilligen denste sin Juwer g(naden) mit erbedinge alles guden bereit touorn. Gnediger herre wowoll sich³ vnssere burgere so van vnser stadt aff vp Isslandt Jn de Oeuarder haue vele Jar her gesegelt tho Juwer g(nade) nicht anders den enes g(nedigen) hern versehen och bethenher nicht anders dan alle gnedige furderinge an Juwer g(naden) befunden⁴ Szo berichten se⁵ vns dennoch⁶ wo se Jn voersoerge syn⁷ dat onhen von Juwer g(naden) orhen lochmann vnd Torsten Finnd verhinderinge vnnd Jmpass wellichte mochte mit⁸ geschehen, dat se orhe beryff ahn sweuele vnd sunst gelegener Ware vor dathsuluige gudt alse se int lanth foeren nicht bekamen⁹ sunder wes ahn sweuele vnd sunst ahn andern gudern by Juwer g(naden) vnderdanen vorhanden¹⁰ enen hollander, so Jn de suluige haue segelt vnd des sich Juwe g(nade) vnseren burgern tho vorfange annhemen schall gegunnet mochte¹¹ werden wellichs deme vnnsern burgern nicht tho geringen schaden ohrer nahrung gereckede vnd wedder ore touersicht de sse orer¹² willens haluen¹³ Jn Juwer g(naden) notturftige tiden ermals ertoget, tho densuluigen dragen, be Jegnede¹⁴ Mit bitlichen ansoeken se an Juwer g(naden) to uerschriuen tho der behoff dat Juwe g(nade) gnediglich de versorgung by dem lochmann Torsten Finnd vnd ohren vnderdanen dhoen mochte darmit se vor andern ohre beryff ahn sweuele vnd sunst anderer kopmanns warhe erlangen mochten dewile wy nu orhe furderung der geboer gemete vnd nicht anders erachten konnen Sso is gedachter vnser burger ansoeken nha, ahn Juwe g(nade) vnsre denstliche biddent de wille sich vnsere burgere Jnn aller gnade vnd gunst¹⁵ beualen syn laten, vnd ohren sulliche gnedige forderung ertoegen, dat sse ahne verhinderung, ohre hantieringe bruken vnd ahnghelegener wahre wedderum ohre beryff erlangen, vnd dar Jnne dusser vnsser vorschrift frucht vnd nutbarheit befinden mogen. Jm fall auerst dar sich¹⁶ Juwe g(nade) alsse wy vns nicht versehen willen des hollanders denn vnnssern tho voerfange annehmen wurden vnd wy des van vnsern b(urgern) klagte¹⁷ bekwoemen, Sso heft J(uwe) g(nade) by sich¹⁸ to bedengken dat wy alsdanne tho verdedinge der vnseren¹⁹ nicht vnbillich verorsaket wurden sullichs ahn k(o)n(ingliche) maj(esta)t tho Dennemargken v(nsern) g(nedigen) h(ern) tho bringen vnd to²⁰ klagen²¹ wellichs wy vngerne don vnd²² veleleuer enthauen bleuen, Tuilen ock nicht Juwer g(naden) sich Jegen de vnssern gnedig Jn dussem vnd sunst anderen fellen ertoegen werden Dat syn wy vmme Juwer g(naden) henwedder to uerdenen gudtwillich. Schreuen sub signeto am dage ascensionis domini anno domini xxxvj.

Juwer g(naden) gudtwillige

B(urgermester) wnd Radt der Stadt Hamborch.

1) Corrected from Jn
2) aver dehme Ocuarde crossed out here.
3) wowoll sich in the margin.
4) tho Juwer g(nade)... in the margin.
5) Between the lines.
6) gantz klachlich crossed out here.
7) se Jn voersoerge syn in the margin.
8) wellichte mochte mit between the lines.
9) kond- crossed out.
10) Unreadable word crossed out here.
11) Between the lines.
12) ertoegede crossed out here.
13) Corrected from vnd.
14) vnd wedder ore... in the margin, with an addition vnd wij ohren wedder ohre vnd ertoege den willen, which is crossed out. Another crossed out section contains Sich des ock tho Juwer g(naden) dewilese ehrmalen Juwe g(naden) alsse suluigen in noden gheweset mit ethliche gelde enthsettet nicht versehen vele weniger vermodet hadden. Added is the text Sequentia Hec verba sunt omittenda, but it is unclear to which this refers.
15) vnd gunst between the lines.
16) Between the lines.
17) tho bereit geschehen crossed out in the margin.
18) gnedichlich crossed out here.
19) tho verdedinge der vnseren in the margin.
20) tho bringen vnd to in the margin.
21) gelangen tho laten is crossed out here, as well as vnd Juwe g(nade) deshaluen vellichte Jn vngnade kamen mochte in the margin.
22) vngerne don vnd in the margin.

Transcript copied from Diplomatarium Islandicum