Dusse Jegenwerdige sedel gemaket den xvj dach maii Jm Jahre vnses herenn godes dussent v c vnd xxxij betuget1 dath wy Robbert legge willem hoppe, herry spar, bertram ferror vnd Thomas barllock, Bekennen suluest geleuert to hebben to schipper luken smithe vnd sinen Copluden by fulborth Anthonij spynncksenn henrickh Martinus Hans schomaker Henrick berns Hanns tyberman vnd dyrygk de fokd mit frederich hereman als eth gehandelt is, twiskenn denne sechten lukyn smythe vnd gever termey Hans luars, hans tyman, vnd godtken reynkynn Coplued van Hamborch, mith denne sechten Ludtken vor de sechte reyse vnd alle syne geselschop, dath wy hebhen geleuert na ohrem affspracke de summe van xl laste pennyorttes2 to geuen3 vnd wy so eynes to synde mith euen ewichlich vnd immer to forderende van ohnen von dussem dage ahn forward nichts, vnd darupp scholle wy nichts to donde maken mith ohnen for nen dingk dath nu gedan is, vor allerley beschedigunge vnd schaden de wy gedaen hebben deme gesechten luthken vnd sinen Copluden vnd folcke ynn bottsand hauen To dusser gegenwerdigen czedell wy dhede syn vorgesecht noemede partie to dusser Czedell hebbe gesettet vnse segele vnse handt vnd marck am Jare vnd dage bauen vertellet mith alle vnsen herten vnd gudhen willen.
- 1) betuget above the line.
- 2) orttes above the line.
- 3) to geuen crossed out.
Transcript copied from Diplomatarium Islandicum