Cristian von gots gnadenn erwelter Konig zu Dennemarcken vnd Norwegen hertzog zu Sleswigk Holstein etc.

Vnnser gunst zuvorn Ersamen liebenn getreuwen Nachdem als hir gegenwertigen dem erbarn vnnserm lieben getreuwen, Claussen von der Marwitz, fur vnnserm Voigt auf Islandt geordent gesetzt vnnd Ime dismals, doselbst hur zuweisen abgefertigt Begern Wir gnediglich, Jr wollet bey ewren verwantten vnd Schiffern so gemelt vnnser landt Islandt mit Segelation, vnnd hanttirung besuchen, versugen das sie gemelten Claussen von der Marwitz von vnser wegenn, wo es die nottorfft erfordert, vf sein ansuchung vf Islandt, beistandt vnnd forderung erzeigenn Auch das Jenig so ehr an Vital: vnnd anderm von Hamburgk, nach Islandt, vnd Widerumb von dar nach Hamburg, zufuren bestellen wurde Vmb zimliche fracht, In Jre Schif mit einnemhen, Vnd sich in allem gegen Jme erzeigenn wollen, Als sie von Vns, vnd den Vnsern widerumb gerne gethan sehen woltenn Vnd euch vor euch selbst, gegen gemelten vnserm diener, furderlich erzeigen, das sein wir zugeleich, vmb euch vnd dj ewrn, mit gnaden zuerkennen geneigt. Datum Hadersleben am dage Steffanj. Anno etc. xxxvij.

Cristian.