Ich Joachim Collingk dho kundt und bekenne hiemidt vor allen und idermenniglichen betzugende, nach deme erstlick von wegen deß wolgebornen herenn, heren Johan graffen zu Oldenborgk und Delmenhorst, heren zu Jever etc. mineß gnedigen heren gnedige verschriffte an kon. maytt. Denemarcken,¹ laudt der selben vorschreibunge ein having in Islandt de Kummerwage genomet,² so verne ich de selben bereden und olden gebrauch nach vorsorgen kondte gnediges vorschrieben und vorsiegelt. Wan ich den woll vor diesen de having, midt frembdenn und uthlendischenn redern besiegelt also daß sie mir nicht uff der havinge zu beclagen haben kunnenn, und viel lieber nun vordan m. g. h. auch Oldenburgisch burger und landtsatenn reden und midt hulff derselben eines jeden gelegenheidt nach zu derselben beste mher gemelte having zu besiegeln mich furgenamen, und negest godtlicher hulffe deselben segelation zu volenden. So haben sich gemelte rederß alß nomtlichen de erbaren und wisen auch fursichtigen sostein personen Gerdt Bl[oes] und Diderich zur Helle burgermeistere, Jurgen Oltkenn, Helmerich Welouw, Gerdt Godecken, Herman von Campenn, Johan Hollingk, radeß vorwanten Borchert Moritzenn, Reincke Jeddelo, Marten vom Hartze, Christoffer Hesterwege, Johan Henninges, Hinrich Kannegeter, Luder Bode, Roleff Gripenkerell, und Diderich Wegener kegen mich, und ich mith widerumb jegen se vorhessenn, daß ein jeder sein part will holden und nicht wider uberla[ss]en, es geschee den midt willen deß koffmannes, und den anderen rederß dajegen sol kener nicht macht habenn, einer den anderen uber zu setzen oder ubhe zu sleisenn es geschege dan auß vorseumnisse, oder midt der anderen frunde wissen und willenn. Alß habe ich Joachim Kollingk mir darneben kegen die frunde widerumb vorplichtet, so balt ich die guther auff scheffes bodden bekame, so wol vor de ihre alß vor de mine min lebent dabei zu wagenn auch dabei zu wasser und zu lande ihr beste wissenn und alle wahr de wir bedarven in zu koffen und widerumb auß zu vorkauffenn und mine penninge oder wahre geleich den gemelten rederen unvorzochlichen zu wege zu stellenn und zu beweisenn, und dabei zu handelen wie einen erlichen auffrichtigen koffmanne zu steht egent und geburett bei meinen ehren und trauwenn guden glaubenn alß mir Godt hilffen soll und sein heiliges evangelium. Zu mehrer zuchnisse der wahrheidt habe ich Joachim Collingk, vor mich und meine midtreders auff daß halbe schiff und obgemelte reders ein jeden vor sein person diessen jegewertigen receß midt eigner handt und marck underschriebenn. Geschen zu Oldenburgk den sechseinden tagk novembris ano 1580.

Dyt baven gescreven bekenne ijck Jurgen Oltken myt myner egen hant unde marck

Dith baven geschreven bekenne ich Gert Bloes myt myner egen hant und marck

Dit boven geschreven bekenne ick Joachim Kollinck mit minen egen handt und marck

Dit vorgescheven bekenne ich Dirich thor Helle mydt miner egen handt

Dyth baven gheschriven bekenne ick Borchert Morys myt myner egen hant unde marck

Item ick Helmeryk X Wolouw bekenne dyth baffenn geschreven myth myner egen hanth und marck

Dyth baven geschreven bekenne ick G[er]dt Goedeken myt myner egen hant und marck

Item dath baven geschreven bekenne ick Johan Hollynck myt myner egen hanth unde marck

Dith baven geschreven bekenne ich Christoffer Hesterwede mitt miner egen handt und marck

Dit baven geschreven bekenne ich Reincke Jeddelo mit meiner eigen handt und merke

Dyt baven geschreven bekenne yck Gyseke van Lynen van wegen Johan Henneges yn synen afwesende myt myner egen handt unde marcke

Dijtt bavenn geschreven bekenne ich Luir Bode mytt mijner eygnenn handt und marcke

Dut bavengeschreven bekenne ick Roleff Gripenkerll mit egener hant und merck

Deßen bewelligten unndt vorgeschreibenen contract bekenne ich Diterich Wegner mit eigener handt und merck