Ick Luder Brummer bekenne undt betuge inn dußer myner egen handtschrifft vor my undt myne ervenn, datt ick hebbe entfangenn vann den ersamen Magnus Schlepenn twintich daler, uppet rechte eventur vann der see up Jacup Meiger schypp, unndt schepes kell, darmede in Hittlandt tho segelende, godt de almechtige vader, geve mitt leve beholden reyse, und wedder uht Hittlandt ann duße syht, wor de stapell gebraken werdt, mit den Hittlander guderenn, dar schall ock de boddemerye vordienet synn, alß vor de vorbenompte twintich daler, vyff undt twintich daler wedder umb tho gevende, sunder jenige argelyst. Des tho orkunde der warheitt, iß duht min egen marck hirunder gedrucket. Gegeven unde geschreven indt jahr nah Christi unnsers herenn gebortt do men schreff 1582.

The following is written by another hand

Duße copey iß mit synem originali unnd Luder Brummers eigener handtschrifft van worden tho worden gleich ludende. Datt betuge ick Henr. Houcken, notarius, mit dusser myner subscription.