Frederich der ander, van gottes gnaden, Dennemarck Norwegen Wenden und Gotten, königk.

Unser gunst thovorn, weth dat dusse breffes töger Christoffer Meyer und Berent Losekanne und err mede rederr underdenigest vor uns laten berichten,¹ wo dat ähnen, Hamborgere schollen vorhinderinge hebben gedan, up eyne havinge in unse landt Ißlandt genömet Ostvöhrde, inn sißell Ostförde, dat önenn is thogelaten und vorgunnet, ock mit unsenn breve, dat se mogen dar segelen und koepslagenn, nach uthwysing unses breves, de schall idt uthwysenn, darumme beden wy dy unnd willenn, dat du willest, darna vorkunden und darann syn, dat öhnen jegen de vorschrivinge, de se up de havinge habbenn, nicht tho korth geschee, in jeniger matenn, darmit geschudt unser wille, bevelen dy godt. Geschreven up unse slotth Frederichsborch, den 6. dach martii anno 1582, under unse egenn.

Frederich.

Frederich de ander van Gates genade Dennemarckes Norweges Wenndes und Gottnis.

Unseren gunsth thovoren wedt dat duesse breff weiser Chrystoffer Meier unnd Berendt Loesekanne unnd ere meidt reders, under tenneichleich vor uns hebbenn latenn bereichtenn,¹ also dath idtleicke Hamborger schollen nun hebbenn gedann vor heinderink up eynne haven dar upt landt Islandt, werdt genompt Ostforde in Osterforden. Alse duesse unse breff unde tho latteinck up dat moegenn besegelen na des suelven kopinüm aff den suelven unsen breff wy dy hir by tho scheickenn schall under weisenn der wegenn beidde wy dy undt weillenn, dath du dar umme erffuresth na gelegenheit. Und dar na hebbesth inpandt unndt dat enne jiegenn de vor schreiveinck se hebbenn up de suelven haven neicht geschee tho kortt inn jenniger matte dar midt geschuedt unse weille befelen dy godt. Geschrevenn up unse schlott Freireicks borch den 6 dach martii 1582 under unse seingeneitt.

Frederich