Vortekenuß, und vorgliekung der samptlichen Ißlandeß fahrer tho Hamburg aver de haffen in Ißlandt, so se bethero jegen entrichtinge deß geborenden tollenß besegelt, und numehr up volgende specificerte haffen ein paß uth kon. w. tho Dennemarcken etc. cantzlei sol mit getheilet werden etc.

Schneffelß orth, oder gebede tho Stappen
Darhen Ambrosius Löring ein klein schip uthredet und umme ein paß underdenigst biddet.

Dat Reff
Darhen werdt Bernd Saleveldt sambt seinen mitredern schepen, biddet underdenigst umb ein paß.

Bardestrandt gebede vann Wathnow
Darhen wert reden Hanß van Kleven, sambt sinen mit schepes redern, biddet umb ein paß.

Ißeforth gebede in Skittelsforde
Darhen wert schepen Bartelt Elerß, und Cort Tacke sambt eren mitschepes redern, und dewile diße hafen mit twen schepen besegelt, alß bidden se underdenigst umb twe underschedlicke paße, darjegen willen se i. kon. may. ein jeder besunder den toll geven, we bethero geschehen.¹

Hoffauß
Darhen wert schepen Mattieß Eggerß sambt sinen mitschepes redern biddet umb ein paß.

Im gebede na osten de Wapenfürth
Darhen wert schepen Cort Botker sambt sinen schepes frunden, und Paul Lindeman bidden underthenigst umb twe underschedliche paße, up diße eine haffe, darjegen willen se i. kon. may. ein jeder besunder den geborenden tollen entrichten.

Ottfriederneß haffe
Darhen wert schepen Jochim Focke sambt sinen uthredern biddet underthenigst umb ein paß.

Ørneback in Arneßgebede und Thorlargshaffen
Darhen wert Herman Wegener sambt sinen mitredern schepen, und dewile duße haffen unglick mit dem fischfang gesegnet, also bidden se dat ein paß up beide hafen up Herman Wegener gnedigst gestellet werde, darjegen sie i. kon. may. vor beide haffen insonderheit den tollen geven und entrichten willen, we bethero geschen.^a

Gulbrings gebede im Hanefürth
Darhen werden schepen Jochim Valeman, und Hanß Lammerman sambt eren mitredern, bidden underdenigst jeder umb ein paß up duße eine hafen, scholen ock i. kon. may. vor ein jeder schip der gewonlige tollen entrechtet werden.

In dem Bremer Holmen
Dar hefft Hanß Elmenhorst ein burger von Lübeck vor diß gesegelt, und vorhapet worden van kon. may. paß darup thobekamende, wo he den sulvest an kon. may. sich gegeven wert.²

Im Kiblewich
Darhen wert schepen Hanß von Hutlen, sambt sinen schepeßredern, biddet umb ein paß.³

In Bottsande haffen
Darhen wert schepen Georg Grove sambt sinen mitredern, biddet umb ein paß.

Strome, dar wert nicht umme gevordert, deweile furstlichen dürchleüchtigkeit hertzog Adolff von Holsteins schip dar vorgangen jahr gewesen, und ock ane dat duße haffe na nottrofft geschepet wert uth der Hanefor dar idt nicht ein verndel milwegs van ligt.

Grindewick
Darhen wert schepen Berndt Osthoff mit sinen schepeßredern, bidden underthenigst umb ein paß.

Idt begeret der lochman Jon Jonsen vor norden in Ißlandt dat ein schip mit gude muchte kamen up den

Schagestrandt
Darhen wert schepen Ratke Tymmerman, de arme lude darsulvest mit aller notturfft thovorsehen und dewile desulve haffe in etzlichen jahren nicht besegelt, derwegen biddet gedachter Ratke Tymmerman hierup ein paß, den he mit siner schepeßredern darhen sin heil thovorsacken mit gottlicher hulpe entschlaten.⁴