15400118HAM00

1540, January 18

Hamburg

Hamburg to king Christian III of Denmark: send the testimony of merchants with Iceland about the violence in the previous year on request of governour Claus van der Marwitz.

Created for and published on the HANSdoc website of the German Maritime Museum, Bremerhaven, by Bart Holterman in the context of the research project Between the North Sea and the Norwegian Sea: interdisciplinary Studies of the Hanse. Licensed CC BY.

Copenhagen, Rigsarkivet

Særligt stillede landskaber og unionsriger: D 11 Island og Færøerne, Pakke 26 (Supplement II, no. 16)

One folio

29x38cm

Paper

A big hole is ripped out of the paper, and has some smudgy patches.

Sealed

High German

Marked "40" in pencil.

15400118HAM00RAK0

Diplomatarium Islandicum 10:225

15400116HAM00

Dem Durchluchtigsten Grothmechtigen Hochgebornem Fursten vnd Herren. Herren Christian to Dennmarcken Norwegen. der Wenden vnd Gotten Koning. Hertogen to Schleswigk Holsten. Stormern vnd der Ditmerschen Grauen to Oldenborch vnd Delmenhorst vnnserem Gnedigsten Herrn.

Dur[chla]uchtigste Grothmechtige Koning Hochgeborne Furste vnd Herre Vnnse vnderda[nigste] vnuerdratene vnd gantzwillige denste sin Juwer Kon. Mat. mith vlite tho vorne. G[nedigste]r Herre. Alsz denn Juwe koe. Mat. hiruor an vnsz geschreuen vnd begeret [.... d]ath vnsern Burgeren Copluden Schippern vnd ander Jszlandesfarern tho[.....] Juwer Kon. Mat. Amptman Clawese van der Marwitz vp sin anforderenn [...... J]szlandt. ohren bystandt gudtwilligen tho leistenn. vp dat he geouedes freuels [....... n]a erkantisse des landes. ouer ettliche mishandelers geborliche vnnd rechtm[essige] straffe ouerkame etc. Szo hebben wy vorigem vnserm erbieden nha de[m ...]nesi Juwer Kon. Mat. schriuen vnderdaniglich gehorsamet vnd den vnsern szo[...]ordes ohren handel gebruken werden. de meining mith vlite angetoegeth. De v[n]s denn. na erbedener vnnd vorgaender ruggesprake. wedderumme beanthwordt wo vth Jnliggender schrift1 dorch sze gestellet vnnd ouergeuen eigentlich toentfinden vnnd thouernehmen. Vnnd wo woll wy vns tho ohn eyner schlunigen vnnd vngetoegerden anthwordt hadden verhapet. Sin sze doch vmme ettlicher vthgereiseder personen willen. derer heimkumbst vnd Jegenwardicheit sze wachteden. darmede ethwan sinnich geworden. Vnnd bidden demna gantz denstlich vnd vnderdeniglich. sodaen verwilen tho sampt der vnnsern anthwordt vp ditmall nicht anders. denn Jm aller besten tho vermerken. Vnnd by gemeltem amptman ock gnediglich daruor sin vnd verfogen. dat de vnsern edder susts Jemandes. mith vngewonthcher nygerung. dorch ohn aldar vnbelastet blyuen. Juwe Kon. Mat. wille ock des Closters haluen de Jnsehing doen alsz eth Gades ehre. sin hilliges wordt. vnd framer lude nottorst erfordert vnd erheischet. Wo wy vns tho dersuluen Juwer Kon. Mat. alsz tho einem Christlichen godtfruchtigen vnnd rechtleuenden Fursten gentzlich woll vertroesten vnd verhapen. Vnnd sin Juwer Kon. Mat. angeneme vnd behechlike denste tho ertoegen vnnsers vermogens gewilliget vnnd erboedich. Schreuen vnder vnnserm Signete Sondags nha Anthonij Anno etc. xl.

Juwer Kon. Mat.
gehorsame
Burgermeistere vnd Radtmanne tho Hamborch.

Transcript by Bart Holterman, 2017