Dadt bykenne ick Peter Einerson mitt dysser miner egen handskript, dadt ick nu didt jar inn der Hanefiorde gewest bin, vor denn erlikenn skipers unde kauplaudenn, unde hebbe enn handtastinge gedann, dadt ick by der worheit blifen will, unde segenn, dadt sey des jars upp Alding gevest sinn, do me skreif, 1545, unde hebben dor neinenn dom gegangen, eder gesetenn, unde ock nick samthyckedt eder fullbordedt, denn domm, denn de Islender dar geingenn,¹ unde domedenn, vann der wickte unde gilldinge halfenn etc., sunder sey sedenn do de dom upsegt wort, dadt sey wollden enne nu unde numer meir holden, etc., unde dey dadt segt, dadt ick anders gesegt hebbe, eder geskrefenn, vor westenn eder ander vegne, dey digtet unde segt sinenn willenn, dar ane, unde nickt de worheit, unde by dyssenn minenn vorenn wordenn, willenn se ock blifenn, her Einer Olafsson presbiter, Dade Bonde Gudmundersonn, unde hebben hir an unde ofer gewesenn, dadt ich didt gesegt hebbe, thor thychenisse der worheit sette wy unse signet hir under. Geskrefenn inn de Hanefiorde des drudden sunofendes na paskenn, datum 1548.