Item dit bekenne ick Clawes Monnickhusen in dusser myner egen hantschrifft vor my unde myne frouen unde unse erven vor als weme dat ick hebbe entfangen und thofuller moge up gebort van deme ersamen manne alse Karsten Meier alse vofftein marck up dat even tur van der se und sant in Islant up Johan Munstermans schip in Islant und wen got gifft myt leve dat dat gude schip wedder Islant kumpt so lave ick Clawes Monnickhusen edder myne erven deme baven bonomten Karsten Meier edder sinen erven edder holder dusser hantschrifft dar vor wedder tho gevende alse vor de vofftein marck alse viff hundert punt gudes Islander vissches ock unstrafflick ane sinen schaden fri up de wage tho leveren ane jenich vor thoch edder rechtes fordringe und so dar vor thoch in queme edder sus anderm schaden edder rechtes gande dat dar Carsten Meier kan schaden up reken dene lave ick Clawes Monnickhusen eme up leggen und betalen mit den hoffsummen. Des tho merer urkunde der warheit is dut myn egen hantschrifft und myt mynen eggen pitzer under gedrucket am jare 1578 up palm sondach.

Clawes Monnickhusen
min egen hantschrifft