...

12. Vordermer is worden gelesenn eyn breff van deme ersamen rade tho Hervorde uthgegan unde an de gemeynen stedere geschicket, darinne se sick int erste ock entschuldigen anhengende, wes durch de gemeynen stedere¹ gehandelt unde geslaten wert, darinne willen se sick² billick unde borlick holden, doch nemandes³ bevell gevende; darnegest vormeldende van deme Hitlander unde anderen eylander vissche, de vaste mit den Bargervissche vormenget unde in bedrechnisse des unnoselen vorsteken werde⁴, begerende, dar achte up to hebbende unnde na nottrofft vortowesende, des wandell to beschaffende, also dusdanes in deme breve under lengeren wert berört.

...

67.⁵ Darnegest zindt worden gelesen twe der olderlude unde copmans tho Bergen in Norwegen residerende breve an de sendebaden der gemeynen stedere van der hanze geschreven,⁶ dar inne eynen begrepen is, dat etwelcke tegen de recesse der gemeynen stedere de eylande in Norwegen vorsoken unde den Hitlander unde Veroscher⁷ visch in de lande herwerth aver vören scholen etc.; ime anderen entschuldigen se sick tor jegenwardigen dachfart to schickende, doch hebben se darinne⁸ eren olderlüden hir tho Lubeke weszende⁹ macht gegeven, etlike werve unde bevele erentwegen den steden vortobringende; dar id des morgens is by geblevenn.¹⁰

...

73. Derhalven de gedachten heren radessendebaden na besprake hebben geantwordet, tome ersten alse van wegen der unwontliken besokinghe der oylande, dat de stedere (dat)¹¹ also willen holden, alse id tho Bremen is berecesset,¹² willen dat ock mit deme besten an den ersamen raidt tho Bremen vorschriven, sodanes na lude erer breve unde ock der recesse to straffende. - Item¹³ de pene is, were dat jemand dar zegelde in Hidtlandt edder ander oylande, ane in Yslandt, schal vorlustich wesen der privilegie der hanze unde der nicht mer geneten, ock in den steden van der hanze nicht mer wanen.¹⁴

...

194.¹⁵ Ock alse de van Hervorde geschreven hebben vame Hitlander vissche, so hebben se dergeliken unde ock vame Prutzschen vissche, dat de so nicht gepacket, begadet unde gegildet werde, so van older is wöntlick gewesenn, merckliken geclageth.

...

198. Upt ander, alse van wegen des Hitlander unde Prutzschen¹⁶ vissches, de so nicht begadet werde etc., is durch de heren radessendebaden geantwordet, dat se de olderlude der Bergerfarer derhalven hebben vor sick gehat unde ene ernstliken bevalen, so se de clage van den anderen stederen gekregen hebben, des wandell to beschaffende, up dat se nicht vororsaket werden, derhalven nye ordinantie to makende, so dat ime recessz ock is vormeldet; unde de ersame radt to Lubeke willen dat ock noch by den olderluden bestellen. Dergeliken scholen ock dön de Prutzschen unde andere stedere, dar des to donde is, ernstliken des wandell tho bestellende.¹⁷ Unde is belevet, derhalven an den cöpman to Bergenn ernstliken to schrivende; ock schall men schryven an de stedere Bremen¹⁸, Deventer unde Campen dergeliken, by den eren, dede Bergen plegen to vorsokende, to beschaffende, umme de packinge, begadinge unde gildinghe so van older is wontlick gewesen furder to makende. Unde in deme sodanes hir namals nicht geschege edder beschënde¹⁹ nicht geholden wörde, heben²⁰ de heren radessendebaden eyndrechtliken deme ersamen rade to Lubeke unde den anderen Wendesschen stederen macht gegeven, derhalven eyne nye ordinantie to makende, so se kennen vor dat gemeyne beste nutte unde behoff wert zinde.

...