...
126. Na maltydt1 syn de deputerden der Bergerfarer, nomptliken Gerdt Krudup, Jurgen Gawesow2, Bertolt Bentze3, vorgekamen unde to dusser meninge gesecht, de copman to Bargen hedde one bevalen unde upgelecht, itlike ere werve unde besweringe an de heren radessendeboden na nottroft to dragene, der wandel unde afdracht to hebbende, mit dem anhange, dar de nichth gewandelt, konde de copman dat kuntor nicht lenger holden etc. Unde hebben vort de gebreke in schryfte gestellet vorrekent.4
127. Unde syn erstmal de szulven gebreke in erer jegenwardicheit ock eyn bref gegeven to Luneborch de dato 14125 ock eyn bref to Bremen gegeven de dato 14946 ock eyn bref itziges heren koninges Christierni van der vorbaden Iszlandesschen reyse7 gelesen. Unde hebben de deputerden furder geclaget, dat itlike van Hamborch unde Bremen slogen ore telte und kopszlageden myt den buren; dat dem kopmanne were to vorfange8, mit bogere, darin to szende, de kleyne hupe den groten nycht vordorve etc.
...
143. Alsz de 11. articel der ungeborliken Iszlandesschen reysze de ersamen van Bremen unde Hamborch bolangende vorgenamen etc. unde de copman sick hochliken beclaget, dat dar durch dat kuntor to nichte geidt etc., isz geleszen de articel anni [15]18 dersulven reyse ock des vysckes halven uth Hitlandt etc. Unde isz vorlaten, dat de articel by werden unde macht blyven schal.9
144. De ersamen van Bremen hebben sick vornemen laten, sze wusten nicht anders, sunder idt were szo geholden; avers by den Bargerfaren weren ock mergklike gebreke, de men ock bohorde to wandelen.
145. De ersame her Johan Hulp van Hamborch heft gesecht, men hedde szick nicht vorszen, men desz articels scholde vormaninge ghedan hebben; bogerde derhalven, dat men den wolde laten berouwen tor tokumpst desz heren borgermesters heren Gerdesz vam Holte.
146. Darup gesecht, men hedde gehort, wesz gemeyne stede darup berecesset; idt muste dar ock alszo bly blyven.
...
325. De ersamen van Bremen unde Hamborch hebben gesecht, dat sze gen bovel hadden to vulborden in den artikel der Islandesschen reise, under lengeren etc.
...
- 1) to 2 slegen in de klocke K,K1, furder darna instead of na S.
- 2) Gawetzow S.
- 3) Bartelt Brusze S.
- 4) avergegeven S,W.
- 5) Charter of the Hanseatic representatives in Lüneburg, May 11, 1412. Printed in Hanserecesse I, 6, no. 70. There paragraph 14, which speaks about the vorbaden reyse, and 15: Vortmer so bede wy unde bidden, dat nemandt van der hense sunderlike stede ofte land schal soken in Norweghen myt kopenschop to handelne, sunder in den steden, alse wontlik is, na uthwisinge der privilegi(en)f, by 100 s Engelsch unde des copmans rechticheit.
- 6) 14940605BRE00
- 7) 15130812NYK00
- 8) vorgunghe St.
- 9) 15180619LUB00
Transcript copied from Hanserecesse (only the parts referring to Iceland and Shetland)