Ick Luer Brummer bekenne unde betuge inn dußer miner egen handtschrifft vor my undt myne ervenn, datt ick hebbe entfangen van den ersamen Cortt Wachmann sostich daler, uppeht eventur van der sehe up Jacup Meyer schip, undt schepes kyll, undt in gelaeden guderen, darmede in Hittlant tho segelen van der Weßer. Godt de almechtige vader geve mitt leve beholden reyse, und wedder uht Hittlandt ann deße sytt kamende, offte wor de stapell gebraken werdt, dar schall ock de boddemerye vordenet synn, alß vor de vorbenompte sostich daler, vyff soventich wedder umme tho gevende, undt mitt ganckbarem gelde tho betalende, den daler tho negenvertich groete. Duht vorbenompte lave ick Cortt Wachmann vor erst kemende Martini1 tho entrichtende, sunder jenige argelist, offte vorhinderinge. Des tho orkunde der warheitt, iß duht mi egen marck offte pitzier hirunder gedruckett. Gegeven unnde geschreven inht jaer Christi unnsers herenn gebordt do men schreff 1582, inn 14 maii.

The following is written by another hand

Duße copey iß mit ohrem rechten originalii so van Luder Brummer underschreven, und underdrucket gelick ludende. Datt betuge ick Henr. Houcken, notarius, mit dußer myner subscription.