Ick Luder Brummer, bekenne und betuge in disser miner egen handtschrifft vor my und mine ervenn, datt ick hebbe enthfangen van dem ersamen Suvert Otkenn sostein daler, uppet eventur van der see, up Segebade Detken schip unde schepes keell, darmede in Hidtlandt tho segelende, godt de almechtige vader geve mit leve beholden reisse unde wedder uth Hidtlandt an disse sith, wor de stapell gebrakenn werdt, dar schall ock de bodmerie vordenet syn, alß vor de vorbenompten sosteinn daler twintich wedderumb tho entrichtende, sunder jenige argelist. Des tho orkunde der warheit is dith min egen marck hir under gedrucket. Gegeven und geschreven int jar nha Christi unses heren gebordt do men schreff 1583.

The following is written by another hand

Duße copy iß deme my vorgebrachten besegelden original glickludende, welckes ick Gerhard Gercken, mit dußer miner subscription betuge.