Ewer schreiben ahm 26. tage dess negst vorschienen Monats Februarij datirt.¹ die besiegelung der Hafen Kummerwagen auff vnserm Lande Isslandt. vnnd daselbst vbliche handtierung. in welcher euch von denen von Hamburgk. wie angeben. eintracht begegnet sey. betreffent. haben wir ehegestern empfangen vnd horenn lesen. Darauff. ob woll keiner frembder in dem Lande ferner alss vns dem Reich gelegen. besieglung oder hantierung halb. fur sich allein. oder auch andere. etwas befreiet. Vnnd was ihr dan auch zuuor gehabt. vnnd noch habt. allein præcario vnd nicht. wie ihr wisset. ander gestalt. besessen. Derhalben wir dan auch. wan das erfurdert. zu vnser gelegenheit enderung darin furzunehmen habenn. Wollen wir dannoch Euer suchung souiell stadt geben. das wir beuolen alssbaldt an vnsern Beuelhaber in Isslandt zuschreiben das ehr berichte. wie es mit gedachter hafen besiegelung. vnnd handtierung allenthalben geschaffen. Darauff wir dan vnss gegen Euch mit richtiger verordnung ferner mugen haben zuerzeigen. Ingleichnus haben wir den von Hamburg auch zuschreiben lassen das sie sich dieses Jhar. biss auf vnsern fernern bescheidt enthalten wollen.² Welchs wir Euch etc.