Im namen deß heren, dat bekenne wy sera Olaffer Eynarson, Eriker Tostenson, unde Dadde Jonson, dat wy horden Osser Ingemundarson klagede for den faget Carsten Baken aver dat mell dat hir yß yn gesegelt unde eme hefft vorkofft gewesen in der Kummerwage van Harmen Kloppenborch van Oldenborch yß syne unde ock unse demedige bede dat sullyck mel odder der gelyke ware werde nicht tho lande geforet so dat de geringen forstendigen Yslanderß worden dar nicht myth bedragen unde dit yß unse erenstlycke bede an unse lefflyke overicheit Johan Bocholdt dat he wolde van gotteß wegen unde deß rechteß tho sen unde forschaffen dat sulckes mochte nicht yn ungewendtlyke gebrucket werden sunder lever tho vorbeterende unde tho merrer warheit hyrumme drucke wi unse pittzer hir for nedder unde ock up dat poppir dar dat mel yme forsegelt iß geschreven up Hilgefeldt den 25 dach julyuß dat yar na gotteß gebordt anno 1597.