Extract supplicat(ionis) der semptlichen koplüde der haven Hanenforde, 21 octobris anno etc. 1602.

Extract.

Den effte wy woll in ehrem schepe ein ruhm van 50 lasten gudes, unse bedinget und vorbeholden, so hebbe wy doch solches uth keiner anderen orsake gedaen, alse dat wy dadorch ere untemliche handlung, so se sick in den haven Strome und Wattlose anmateden, ehnen etwaß inkörten effte inbinden möchten, und solckes twar mit grotem foge, dewile wy an solchen haven intercessiret und darin 2/3 deel, und se nu 1/3 del hedden, und dat wy unß sonst besörgeden, se möchten unß, wo thom deel ock leider geschehen, altho groten inpaß dhon, wo wy den ock umb des willen, und dat wy mit erer handlung nicht wolden tho dhonde hebben, solch ruhm nicht in, sondern uth dem lande unß bedinget und vorbeholden etc., dewile den dusse unse bericht warhafftig, undt effte godt will nicht anders befunden werden schall etc.