...
92. Ame sondage reminiscere1 na middage to twen in de clocken de erbenomeden heren radessendebaden unde de rad to Lubeke sint up deme radhuse darsulves erschenen.
93. Vor welliken int erste de olderlude der Bergervarer irschinende geven vor van der Islandeschen reyse, de besunderen de Hamborger holden unde nu eyn schip gevrachtet hebben, tor Wysmar to ladende unde in Island2 to segelende.
94. Vurdermer leten se lesen ene cedelen der gebreke de nedderlaghe unde cuntor to Bergen in Norwegen3 belangende.
95. Item int erste van der Islandeschen reyse hebben de heren radessendeboden van Hamborch sik4 vorsecht, dat van der Elve vor erer stad nene schepe in Island5 myt ereme wetende unde willen uthgereth [werden]6 noch segelen scholen, sunder wes furder darinne to slutende, darvan hebben se neen bevel.7
96. De anderen heren radessendeboden geven vor antworde, dat se darvan neen bevel hedden, jodoch wolden se eyn sulkens by eren rad gerne bringhen, unde duchte en nicht unnutte wesen, dat sodane reyse by anderen steden affgestellet mochte werden; so wolden se dat ok gerne don.
97. Doch hyrup wart gesloten, an de van Bremen, Dantzke unde ok an andere stede, dar men schepe in Island8 uthredet, ernstliken to vorscrivende, dat sodane uthredinge affgestellet moghen werden.9
...
- 1) March 14.
- 2) in tland St.
- 3) to follows L.
- 4) des St R K.
- 5) in tland St.
- 6) werden absent L L1 W St R K.
- 7) Follows and crossed out: Item de van Rostock seden, wo wol in vortiiden etlike schepe vor erer stadt uthgeredt syn, vormoden se siick doch, ere borgere de mode syn unde neene bate inne volet hebben, unde[r] anderen seggende, wo wol se neen bevel darvan hadden, so wolden se doch ensodans in eren raidt bringen etc. L1.
- 8) in tland St.
- 9) 14840316LUB00
Transcript copied from Hanserecesse (selected paragraphs only)