15340303GOT00

1534, March 3

Gottorp

Crown prince Christian of Norway to Esche Bylden, commander of Bergen: the fish that belonged to the former King which is still in Bergen should be sent to Thomes Koppen in Hamburg, who will send it on to the prince. Moreover, it is emphasized that Koppen should be be left unhindered in using his enfeoffment with the Faroes.

Created for and published on the HANSdoc website of the German Maritime Museum, Bremerhaven, by Bart Holterman in the context of the research project Between the North Sea and the Norwegian Sea: interdisciplinary Studies of the Hanse. Licensed CC BY.

Copenhagen, Rigsarkivet

Eske Bille, II A c

Paper

Sealed

Low German

Facsimile not (yet) available

Diplomatarium Norvegicum 23:356

Dem gestrengen vnnd vhesten vnnserm leuen beszundern Esche Bylden ritter vnnd amptman tho Bergen jn Norwegen.

Cristian von gots gnaden erffgenam tho Norwegen tho Sleszuick Holsten etc. hertzoch etc.

Vnnsern gunstigen grut thouorn gestrenge vnnd erenvheste leue beszunder. Alze gy vnns vorschener tijdth geschereuen vnd vorstendigt wo bij jw etlich fijsch vnd anders vorhanden welichs vnnserm gnedigen leuen herren vader mijlder gedechtnis thostendich vnnd vnns solichs vp dith vorjar szo wirs begerich weren szenden woldeth etc. Szolichs dohn wij vnns jegen jw gnedicklich bedancken vnnd dohn demnha an jw gantz gnedicklich begern dath gij dussen jegenwardigen brieues toger szolichs alles aueranthwerdeth vnd beth tho Hamborch an Thomes Koppen auerschicketh de vnns szolichs wijder thoschicken werdeth. Szo gij dusser tijdth bij jw ock guden raff reklingk vnd guden geszolten¹ tanthey² bekommen konneth vns bij dem andern ock auerszenden szall jw gnedicklich gegulden werden. Ock tho diszem gelanget an jw vnsze beszunder gutliche bede dewyle hochgedachte gedechtnis vnszer gnediger leuer vater Thomes Koppen vmme sziner velen trwen dienste willen auer dath landth Verø gnedige beszegelte begiffthe gnedicklich medegedeelet vnd wy enche ock mith gnaden geneegeth wo wy jw szint haluen vt Luneborch geschreuen³ dath gy eme ludth vnd jnholt sziner vorschriuynge dath szuluige⁴ landt vngehinderth willeth gebruken vnd genijeten laten. Vnd ock von anderen emhe⁵ thodonde nicht gestaden szunder mith dem besten do by vme vnsert willen⁶ thofurdern wie wy uns dan dis vnd alles anders gudes tho jw getrosten. Dath willen wy mith allen gnaden vme jw wedder bekenne dan jw szint wy geneiiget. Datum Gottorp dinszedags nach reminiscere anno etc. 34.

1) geszolten taranth crossed out.
2) In the margin.
3) wo wy jw... in the margin.
4) corrected from vp dem szuluigen.
5) emhe nicht crossed out.
6) vme vnsert willen in the margin.

Transcript copied from Diplomatarium Norvegicum.