Wetedt Roleff Gerdes dat ick juwenn breff denn 22 novembris entfangen unnd gedatert,¹ worin geschrivenn wo juw Hein Ratkenn hefft twemall, vor recht vordagenn latenn unnd klagett up 1000 gulden schadenn so ick ehm in der Kummerwage scholde gedaenn hebbenn, kam mi oversth solckes nicht besinnen, so gi juw mit ehm indt recht gevett, dat doet up juw unkosten, unnd nicht up mi oder meinen freunde, hefft Hein Ratken weth(en) mit mi wegenn meinen freunde tho doende, so sprecke he mi hir ann, hir in wt. g. h. landt² is so woll recht als tho Bremen, unnd ick bei dem rechten nicht mer entwossenn, gelick ein ander, so he mi wegenn meiner freunde oder reders up schadenn ahnn klagett hape so recht recht is schall he mi schadenn erleggenn unnd bethalen unnd ein jeder seines rechten gewarden up kosten unnd unnd[!] ungelick, woll denn recht beholt de unrechtferdig dem rechtferdigenn seinen schadenn tho erleggenn unnd bethalenn, wo keiserliche kamergerechte mit bringen. Belangende dem breve denn hebbe ick dem hovetman gedaen hefft he dar wath in geschreven dat he nicht billig tho vor andtwordende mach he stehenn wo he darmit farett dar late ick ehm vor radenn nicht mer in ile den godt bevolen. Datum up den Hueck, den 24 novembris anno 80.

Joachim Kollinck