Be it kand till all men be this present wrytt that I Olave Sinclair, heyd fold and thalmerlane of Yetland for the tyme, grantis me to haf lycent Johane Courtsone till ly in the port and sound of Baltay in Ownst with his schipe and gudis in the yer of god ImVc saxty and ane yeris. And he to use all dew trafique of nechandrice at the place forseyd withut stope or impedendt lyke as ony utheris his cuntreymen dois. He payand therfor his thole and utheris gratuite as use and wont is to strangeris to use. In witnes herof to this my lycence my propir signet is affixet heirto. At Skalloway in Yetland the XX day of july anno 1560.

Sy kundt und witlick allen und idermenniglick mit dußem apenbaren breve, dat ick Oleff Sinckeler, hovetvaget und kemner aver Hittlandt ein tidtlanck, bekenne my dat ick hebbe verlovet Johann Cordeß tho liggen inn einer have und sunde genometh Balthe inn Unste mit sinem schepe und gude im jar 61, so ferne he redelick kopen und verkopenn will. Inn dersulver vorgenombtenn have sunder jennige insage gelick wo sin andere landeßlude doenn, nha demmale he sinenn geborlicken tollenn betalet alse deß landeß gebruck iß, und weß ohr bescheidt iß und alse anderen uthlendischen behoret tho doinde. Und dit vorlove ick mit minem ingesegell welck hirunder gedrucket. Geschrevenn in Schalwage inn Hitlandt denn 20 julii anno etc. LX.

Jegenwardige copie ist gelickludende der rechten original vordudescheden affschrifft wo solliches eyns erbarn rades secretarius Erick Duncker affgeschreffen dat ick Henrich Moliter notarius bekenne mit egener hanth.^a

Des do ick kundt unde wytlich, allem unde idermennichlick, myt dussen apenbaren breffe, dath ick, Oloff Synckeler, hoveth vaget unde kemener in Hitlandt, bekenne apentlychen dath ick hebbe gelaveth dem ersamen schipper Hinrick Byllen, unde eme thogesecht dath he alhir in Hitlandt mach lyggen in einer have genompt Baltezunde, gelegen in Unste, unde mach alhir myt synem schepe unde gude liggen, im jare na der gebordt christi 1561, vor als weme sunder jenige wedder sprake eynes anderen, so vherne he redlich kopen unde vorkopen will, gelick wo eyn gebrucke, des vorbenompten landes iß, unde mach alhyr syne kopenschup vorhandelen, gelick wo de anderen Bremer, edder syne landes lude doen. Dewile he synen tollen uthgifft und betalt, als geborlich unde eyn gebruck is dusses landes wo baven genometh, unde alse ander fremede unde uthlandische alhir gewonlich doen unde solchen seevharenden kopluden tho gehoret etc. Tho vorsekeringe der warheyt hebbe ick Oloff Synckeler, hovet vageth unde kemener aver Hytlandt, myn ingesegel hyr upt spatium under gedruckett. Geschreven und gegeven in Schalewage in Hytlandt im jare 1560, den 20 dach julii etc.

Jegenwardige copie ist gelickludende der rechten original verdudesschen affschrifft alse de van jegendele Johan Rungen und synen consorten avergeven, welchk ick Henricus Moliter notarius bekenne mit egenner hanth.^a