Dem durchleuchtigsten, großmechtigsten fursten, und hern, hern Friederichen dem andern, zu Dennemarck, Norwegen, der Gothenn, unnd Wenden, kunningen, hertzogen zu Schleßwick, Holstein, Stormarn, unnd der Dythmarschen, graffen zu Oldenburg, unnd Delmenhorst, etc. unserm gnedigsten hern etc.
Durchleuchtigster, großmechtigster kunig, e. kun. matt. sein unnsere unterthenigste gantzwillige dienste mit fleiß bevor, gnedigster herr, wes Christoffer Meyger unnd Johann Wiggers, neben anderen schiffsrehderenn, unnsern burgeren, unnd deren widtwen, so nhun eine raume zeithero eine have inn Ißlandt, die Ostenforth genant, mit allerhandt kauffmanswahrenn, unnd commoditeten versehenn, vonn wegen e. kun. matt. ihnen darauff gnedigst mitgetheilter vorschreybung, so auß ihres gewesenen schiffers verwarlosung schafthafft geworden gegenn unnß sich vast höchlich beklagenn,1 und doneben dienstlich suchen, unnd bitten thuenn, das habenn e. kun. matt. auß eingeschloßener der unnsen supplication2 gnedigst zuvornehmenn.
Wann dan, gnedigster kunig, wir unnß noch guter maßenn zuberichten haben, das die unnsere vast von undencklichenn jaren hero, auß, unnd von unnser stadt ab, die berurte have Ostenfortha besiegelt,b auch von e. kun. matt. auff unnsere unterthenigste furbitschriffte, mit obberurter sonderbarer begnadigung, unnd verschreibung, so auff ihren domals gewesenen schiffern Berende Lösekann gerichtet3, gnedigst versehenn, unnd wir der unterthenigsten hoffnung sein, es werdenc e. kun. matt. solche des schiffers verwarlosung seinen schiffs rehderenn, unseren armen burgeren, darunter vielle elende, unnd vast trostlose widtwen, unnd waisenn sein, damit wir ein sonders mitleiden tragenn, unnd obligenden ampts wegen, soviell an unnß, inn allem guten gern befurdert segenn, inn unguetem gnedigst nicht entgelten laßen, sondern sie nichtoweniger bey e. kun. matt. begnadigung gnedigst schutzen, unnd handthabenn.
Alß bittenn wir unterthenigst, e. kun. matt.d gnedigst geruhenn, kunfftige irrung, unnd mißvorstentenus zuvorkommen, e. kun. matt. denn unserene hiehbevor solcher have halberf gnedigst mitgetheilte vorschreibung, auff jetzigen ihren schiffer Christoffer Meyger gnedigst zurenovieren, unnd zuerneuwerenng.
Das wirdt gott der almechtige, ein vatter, unnd beschutzer widtwen, unnd waisen, e. kun. matt. reichlich belohnenn, unnd wir seint es umb e. kun. matt. unterthenigstes fleißes jederer zeit zuvordienen gantzwillig, so werdenn auch, unnsers hoffens, die unsere gegen e. kun. matt. unnd derselben unterthanen des orts, sich aller gebur hinwiederumb zuerzeigenn, unns zuverhalten wißen, dieselbe e. kun. matt. gott dem almechtigen, inn kunniglichen wollstande glucklicher friedtlicher regierung, unnd frölicher leibs gesundtheit, lang zufristenn, unnd zuerhaltenn hiermit gantz treuwlich empfelende. Datum unter unnser statt secret den 28en octobris, anno etc. 76.h
E. kun. matt.
unterthenigste
Burgermeistere unnd rath der statt Bremenn.
- a) so weit sich die syssell erstrecket added K.
- b) und mit ihren kaufmans wahren, zur notturfft, vorsorget added K.
- c) dannoch added K.
- d) auß angeborner gute, und miltigkeitt added K.
- e) auf berurte have Oßenfortt in Ißlandt, und die gantze syßell, daselbst added K.
- f) solcher have halber not in K.
- g) zuerweittern K.
- h) den 26ten Martii, anno etc. 77 K.
- 1) For the conflict between Bernd Losekanne and Christoffer Meyer see 15760200BRE00 and related documents.
- 2) 15761028BRE01
- 3) 15690402KOB00
Transcript by Bart Holterman, 2017