Solch eine zeugnuß gebe ich Ketell Schwenson diesenn frommen kaufleuten, das sie nun eine lange zeytt gelegenn habenn in der Ostforde in Ostforttsußell in Fulwick unnd fast bey die achtzig jahr, unnd habenn sich wie ich nicht anderß weiß allemall friedsam gleichwie erlichenn kauffleuten geburet verhaltenn, unnd jedermanne seyne notrufft an unverfalscheder munte unndt wahre zukommen laßenn, zuegleich auch jederman groß vortheyll mit ihren schutenn farendt gethonn. Bitte derwegenn das diese kaufleute muchtenn die havinge lange behalten an dem orthe da ihre bodenn stehenn unnd ihre vorfarenn gelegen habenn, unnd ich habe von altenn leutenn gehoret das die Dupewage recht kegenn die Vulwick uberliege, zu mehrer urkund der warheyt habe ich meinn siegell hirunter getrucktt. Geschrieben auf Schluhte in der Rodervorde denn 19ten augusti anno etc. 91.